Culturgal é unha asociación de asociacións. En concreto, reúne as asociacións máis representativas do sector cultural en Galicia: Asociación Galega de Editoras (AGE), Escena Galega, Asociación Galega de Produtoras Independentes (AGAPI), Asociación Galega de Empresas da Música (AGEM) e Empresas Galegas dedicadas á Tecnoloxía (EGANET). A Feira conta cos patrocinios institucionais da Xunta de Galicia, Concello de Pontevedra, Deputación de Pontevedra e Ministerio de Cultura. En 2018, ademais contou coa colaboración especial da Deputación da Coruña.

Tres mulleres e dous homes compoñen a xunta directiva, que queda conformada do seguinte xeito: ademais de Víctor López como presidente son vogais: Mercedes Castro de Escena Galega, Henrique Alvarellos pola AGE, Uxía Caride de Agapi, e Beatriz Fernández, de AGEM. Da coordinación da Feira encargarase o editor e xestor Xosé Aldea e o seu equipo, que levan desenvolvendo esta tarefa desde hai seis anos.

Con novedades, si, en 2018. Unha delas foi a proposta de vir en autobús a Pontevedra desde Lugo, Ferrol, A Coruña e Santiago de Compostela. “Se este ano, a recepción foi tímida e non se encheron os autobuses, desde a organización da Feira está claro que a proposta chegou para ficar. Unha Feira para todo o país require iniciativas que redunden na idea e que faciliten a visita de todas as persoas que non residen en Pontevedra e contorna. De feito, a maior parte dos usuarios dos autobuses este ano non coñecían a Feira, nunca estiveran nela”, sinala Xosé Aldea, director da Feira. Se esta foi unha iniciativa con resposta aínda tímida, o espazo gastro instalado en 2018 con 4 restaurantes diferentes abertos no mesmo horario da Feira e cun cartón prepago para abonar o gasto, foi un grande éxito tanto no número de usuarios como na valoración da oferta de comida e bebida.

Éxito de público tamén no retorno de Carlos Núñez a Pontevedra co concerto especial do sábado 1, co Auditorio do Pazo da Cultura cheo para presenciar a xira “A irmandade dos celtas”. A xornada inaugural da Feira, o venres 30, volveu a converterse nun punto de referencia para os profesionais do sector en Galicia con protagonismo das xornadas de Escena Galega que reunen a profesionais das artes escénicas de toda a península. Esta tamén é un dos obxectivos de Culturgal, como recalca o seu director.

En relación ao público, a xornada con máis visitas foi a do sábado 1 con sete mil entradas. Culturgal é unha cita referencial para coñecer novidades, atoparse con artistas e creadores e adiantar os presentes do Nadal. Público moi diverso, grande protagonismo dos grupos familiares nunha décimo primeira edición que na última xornada entregou o Premio do Público Culturgal 2018 á Casa de Rosalía de Padrón e acolleu unha homenaxe no cabodano do pintor pontevedrés Manuel Moldes.

Sábado 1 decembro
12:00. Pequefilmes: proxección das curtas gañadoras do Festival Infantil de Curtas: Awakers (a partir de 4 anos) e Les Pionniers de l’Univers (a partir de 8 anos). Agadic-Xunta de Galicia. As persoas asistentes a Pequefilmes, certame que organiza a Cidade da Cultura de Galicia, poden puntuar á saída das diferentes sesións a súa curtametraxe favorita. Entre todos os votos emitidos, decídense as dúas curtas gañadoras segundo as dúas categorías de idade. En Culturgal queremos amosar os dous traballos seleccionados polo público na última edición: a checa Awakers e a francesa Les Pionniers de l’Univers.

16:30. Proxección de “A batalla descoñecida”. Asiste Juan De Dios, produtor. Dirixida por Paula Cons, “A batalla descoñecida” narra a batalla do wolfram, que libraron os aliados contra España no marco da Segunda Guerra Mundial. Un material estratéxico, o wólfram, que el réxime franquista permitiu que fora utilizado poos nazis para armamento. Duración filme: 70 minutos

18:00. Proxección do documental “Tecido resistente”, coa directora Marina Chiavegatto. Deputación da Coruña. A historia de centos de mulleres que cambiaron por completo a economía e a organización social de toda unha comarca no inicio do século XX en Galicia. Tiñan 14 anos cando comezaron a traballar na fábrica de tecidos de Présaras (Vilasantar). Cobraban 37 pesetas á semana. Con eses cartos mantiñan a economía familiar. Axiña descubriron que o salario fixo que recibían era algo máis que uns cantos billetes: era a súa independencia, o empoderamento feminino antes mesmo que ese concepto chegase a Galicia. Duración filme: 40 minutos

19:00. “A estación violenta”. Con Anxos Fazáns, directora. Matriuska Producións. Película. Unha adaptación da novela de Manuel Jabois, na que tres personaxes atópanse de novo. O filme narra o explosivo/implosivo encontro entre tres compañeiros de facultade anos despois, cando a vida adquire outro significado, cando está máis perto a morte. Interpretada por Xiana Arias, Xosé Barato, Nerea Barros, Alberto Rolán. Duración filme: 75 minutos
Domingo 2 decembro
16:30. “Versogramas”. Un documental de videopoesía. Presentan Belén Montero, directora, e Celia Parra, produtora executiva.. O documental Versogramas ofrece un achegamento ao panorama internacionalda videopoesía, desde unha perspectiva galega, de man de videopoetas como Yolanda Castaño, Antón Reixa ou Iria Pinheiro, entre outros. Versogramas contén entrevistas a 14 videopoetas internacionais e fragmentos das súas pezas, xunto coas doutros 19 videopoetas máis de diversos recunchos do globo. Esbozos de defnicións sobre videopoesía en ton experimental completan o tecido dodocumental. A súa premiere mundial tivo lugar en NUDO Festival de Poesía Visual (Barcelona). Logo do seu paso polo Festival de Cans (O Porriño), o Festival Poemaria (Vigo) , o Festival dos Eidos (O Courel) ou Cosmopoética (Córdoba),continúa a súa andaina por festivais. Duración: 75 min

18:00. Proxecciòn de “Dhogs”. Con María Costas, actriz, e Laura Doval, produtora executiva. Se escoitaches falar moito deste thriller e aínda non o viches esta é a túa oportunidade. A película dirixida e escrita por Andrés Goteira xa pasou con éxito por festivais internacionais como o Bafici de Buenos Aires, o Frighfest de Londres, o Festival de Sitges, ou o Split Film Festival. O filme máis premiado da historia dos Mestre Mateo, concede a Academia Galega do Audiovisual. No reparto, Antonio Durán ‘Morris’, Melania Cruz, Miguel de Lira, Iván Marcos, Carlos Blanco e María Costas.Duración filme: 85 minutos

No programa do Espazo AC, comisariado por Paula Cabaleiro e Antón Sobral, obradoiros de arquitectura do CGAC para nenas e nenos e un contacontos para persoas adultas que organiza tamén o museo compostelán, no marco do seu 25 aniversario. A Bienal de Arte de Cerveira volverá a enfeitizarnos coa proposta en directo do artista Ricardo de Campos, que xa pintou un enorme mural ao vivo en 2017. A fin de semana presentaranse varios proxectos no campo da arte, a maoría liderados por mulleres: a asociación de artistas 85c, A Colectiva e Mulleres mirando Mulleres de Arte a un click. Máis accións ao vivo con colectivo LAG o sábado 1 e coa peza de danza “Reclusa parda” o domingo 2, para pechar xornada ambas no Espazo AC.

En 2018 Vari Caramés visita Culturgal 2018 para presentar o fantástico libro Lugares, editado con Fabulatorio. Así mesmo o artista Antón Sobral falaranos do seu libro Baila conmigo ata a final da amor. A Cidade da Cultura tamén estará moi activa no escenario Arte Contemporánea presentando non só a vindeira edición de Escenas do Cambio senón o seu programa de exposicións coa presenza dos seus responsables e comisarios.

Dúas exposicións

E se falamos de exposicións, temos que destacar as dúas mostras que o público de Culturgal poderá visitar no Espazo AC. “Artistas de colección. Fondos do patrimonio artístico DAC”, comisariada por Rosario Sarmiento, mostra a obra de vinte creadoras presentes na colección da Deputación da Coruña. Atención á relación: Amaya Bozal, Berta Cáccamo, Paz de la Calzada, Alicia Candiani, Victoria Dielph, Tamara Feijóo, Almudena Fernández, Alina Granados, Dolores Hebel, Menchu Lamas, Maruja Mallo, Fina Mantiñán, Tatiana Medal, Hannah Müller, Soledad Penalta, Cruz Pérez-Rubido, Beatriz Rey, Helena Segura-Torrella, Ana Soler e Lola Solla.

Ademais, outra entidade de grande relevancia, como é CGAI (Centro Galego de Artes da Imaxe)-Filmoteca de Galicia preséntano na entrada do Espazo AC a mostra “Fotografía en curso. Retrato da nosa contorna”, ao redor do programa pedagóxico de creación do mesmo.

Programa de actividades Espazo Arte Contemporánea:
Sábado 1 decembro
12:00. Obradoiro Cidade de Nadal. Fundación Cidade da Cultura. A partir de 4 anos. Inscrición na recepción
da Feira. A Cidade da Cultura de Galicia converterase este Nadal nun grande escenario ornamental de luz e
cor. Quen se achegue á nosa Cidade de Nadal poderá asistir a diferentes obradoiros. E para Culturgal,
quixemos traer unha pequena mostra dun deles, no que se usarán elementos naturais (froitas) para adornar
as nosas árbores e os nosos fogares.
13:00. Presentación de Escenas do Cambio 2019. Fundación Cidade da Cultura. Con María Pereira Otero,
directora de Acción Cultural da Cidade da Cultura de Galicia, e representantes de compañías participantes
convidadas.
13:30. Lugares de Vari Caramés. Fabulatorio. Con Vari Caramés, fotógrafo e autor e os editores e
deseñadores Suso Vázquez e Cibrán Rico.
17:30. Mulleres mirando Mulleres. Arte a un Click Conecta S. Coop. Con Adriana Pazos Ottón e Mila Abadía.
18:00. Presentación das exposicións do Museo Centro Gaiás. Cidade da Cultura de Galicia. Con Ana Isabel
Vázquez Reboredo, directora Xerente da Fundación Cidade da Cultura de Galicia; Verónica Santos Farto,
comisaria da exposición Pensar coas mans (Departamento de Exposicións da Cidade da Cultura de Galicia)
e Miguel Anxo Seixas Seoane, comisario da exposición Castelao Maxistral. A boa obra ao mestre honra.
18:45. Estado sólido. Colectivo LAG. Acción coas artistas Lara Buyo e Ana Corujo .

19:45. Presentación libro “Anónimas, retratos de musas cotiás”. Con Gemma Marqués, ilustradora, e Dolores Costas, escritora.

20:30. Apo’strophe.Arte. Con Álvaro Rodríguez Pérez, Sara Pérez Bello e Elena Bangueses

Domingo 2 decembro

12:00. Obradoiro de arquitectura: En construción. Centro Galego de Arte Contemporánea (CGAC) 25ºaniversario. Neste obradoiro de arquitectura impartido polo educador Santiago Chenlo os participantes construirán maquetas nas que poderán idear un museo ao seu antollo. Recomendado entre 6 e 11 anos.Prazas limitadas: 15. Inscrición gratuíta por orde de chegada en información.

13:30. Presentación A Colectiva. Asociación Profesional de Artistas de Galicia. Con Belén Montero,
secretaría, Iria Vázquez, vicepresidenta, Eva Mendoza, vogal, e as artistas plásticas María Meijide e Melania
Freire.
17:00. Contacontos con Celso Fernández Sanmartín.Contar por amor á arte. 25 aniversario Centro Galego
de Arte Contemporánea (CGAC). Recomendado para persoas adultas. Da man do Centro Galego de Arte
Contemporánea (CGAC), o contador de historias e filósofo Celso Fernández Sanmartín narrará unha
historia arredor dos museos e da arte facendo gala da máis entretida, dinámica e interesante tradición oral
popular.
18:00. Presentación do libro Baila comigo ata a final do amor de Antón Sobral.
18:30. Asociación de mulleres artistas. Asociación 85C. Con Marcia Vázquez, presidenta, Eva Comesaña,
vicepresidenta), Paula Herrero, secretaria) e Nuria Vilán, tesoreira.
19:30. Reclusa parda. Peza de danza. Con Eva Comesaña e Marcia Vázquez.

No recinto feiral:
1-2. CRTVG
3. Pilar Piñeiro Cerámica
4. Marío López Joyería de Autor
5. Chorima
6. Eferro
7. Deica Creacións
8. Montse Betanzos
9. Mico
10. Paseloqpase
11. Sanín Percusión Tradicional
12. Editorial Galaxia
13. Revista Luzes
14. Libraría Cartabón
15. Contos Estraños
16. Livraria Traga-Mundos
17-18. AGE (Asociación Galega de Editoras)
19. Xerais
20+21. Concello de Carballo
22-24. Libraría Paz/Librería Seijas
25. Tulipa Editora
26-28. Espazo Lector Nobel
29. AGPTI (Asociación Galega de Profesionais da
Tradución e da Interpretación)
30.Apiario
31.Através Editora
32. Edicións Embora
33-34. Libraría Pedreira
35. Carlos Meixide/Óscar Losada
36-38. Aira Editorial/Punto e Coma
39. Chan da Pólvora Editora
40. Dispara / Tono Arias
41. Fabulatorio
43. Irmás Cartoné
44. Catro Ventos Editora
45. A Mesa pola Normalización Lingüística
46-48.Consorcio Editorial Galego
49. Editorial Canela
50. Triqueta Verde Editorial
51. Xunta de Galicia / Agadic
52.Concello de Pontevedra
53. Deputación da Coruña
54-56.Edicións Fervenza
57-60.Urco Editora
61+62. Economía Social de Galicia
63. Asociación PuntoGal
64+65. Escena Galega
66. Talía Teatro
67. APAMP. Asociación de Familias de Persoas con
Parálise Cerebral
69. O Mago Paco
70. Fundación Praza Pública
71. Associaçom Escolas de Ensino Galego
72. Sermos O Diario Galego
73-74. Miudiño S. Coop. Galega
75. Racataplán
77+78. EASD Pablo Picasso
79. aCentralFolque
80+81. Patakafrita
82. María Meijide
83. Brazolinda
84. Concello de Ponteareas
85. Seispés Producións Creativas
86. Eventbrite
87+88. Cantos na Maré-Rede da Galilusofonía
90.Deputación de Pontevedra
93.Concello de Redondela
94-96.Kalandraka Editora
97. Cestola na Cachola S. Coop. Galega
98. Casal de creación / Cuarto pexigo
99. Alvarellos Editora
100. Kumon
104. Pecados de Compostela
105. Barafunda
108. OZOCOgz Deseño Galego
Espazo Arte Contemporánea:
AC1. Museo de Pontevedra
AC2. CGAC (Centro Galego de Arte Contemporánea)
AC3. Bienal de Arte de Cerveira
AC4. Sala Apo’strophe
AC5. Os Catro Gatos
AC6.Alberto Pena
AC7. Basilisa Fiestras
AC8. La Casa Taller
AC9. Patricia Fornos
AC10.Nove Noel
AC11. Manolo Ebra
AC12. Colectivo LAG
AC13. Carmen Domínguez
AC14. Reme Remedios
AC15. Nemonon
AC16. Kike Ortega

Descarga xa en pdf todo o programa da 11ª Culturgal:

PROGRAMA CULTURGAL 2018 rrss

Moita calidade nas propostas musicais 2018. Desde a onda world music de Barahúnda até o rock de alto voltaxe de NAO; desde a proposta “soulk” de Maritxinha ao baixo e Belem Tajes, voz e teclados -ademais de cantante de Luar na Lubre desde o ano pasado- co proxecto Vudú até as Voces de Arrieiro que chegan de Ponteareas con voces masculinas para a música popular; das propostas jazz do contrabaixista Pablo Sanmamed e do saxofonista Pablo Castaño ao tributo a Mozambique e a NARF de Brais Morán ou á mestura poético-musical de Cintaadhesiva. Da carga autoral e lírica de Factoría de Subsistencia ao proxecto liderado por Carla López baixo o nome de Mielitza.
E todo na Carpa Culturgal 2018. Aquí tes o programa musical desta edición:

Venres 30 novembro
18:00. Barahúnda presenta o seu cuarto disco. Con Helena de Alfonso, cantora; Jose Lara Gruñeiro, guitarra e voces; Jose Luis do Pico Orjais, multiinstrumentista.

19:00. Pablo Castaño Quartet: “A la-láa”. aCentral Folque. Con Pablo Castaño, saxofón, Max Gómez, batería, Paco Charlín, contrabaixo, e Marcos Pin, guitarra.

Sábado 1 decembro
12:00. Quero Cantar. O concurso de canción infantil, que desenvolve a súa terceira edición este outono, sube ao escenario da Feira cos grupos gañadores en directo. Deputación da Coruña.

13:30. Mielitza. Presentación do disco “Unha illa”. Con Carla López Vázquez, voz, guitarra, Iago Mouriño Román, piano, teclados, Pablo Pérez, baixo, e Bruno Couceiro, batería.

16:30.Pablo Diaz en concerto: Coas miñas mans. Editorial Galaxia. Público infantil e familiar

17:30. Charo Pita en concerto: No país do vento. Editorial Galaxia. Público infantil e familiar

18:30. Amores fratricidas. Presentación do segundo disco de Factoria de Subsistencia. Con Josito Porto, voz e guitarra, Sabela Dacal, acordeón, piano e coros, José Lameiras, batería, e David Cid, baixo eléctrico.

19:30. Antilia en concerto. Con María Costas, voz, Jose Churruca, guitarra e coros, Pablo Vidal, baixo e coros, e Antonio González, batería.

20:30. NAO presenta o disco “Ata que o lume se apague”. Seispés Producións Creativas. Con Amós Varela López, Antón Díaz Fernández, Gustavo Brea Torres e Pablo Carracedo Goldar.

Domingo 2 decembro
12:30. Voces de Arrieiro. Concello de Ponteareas. Música popular en directo con este grupo de grandes voces masculinas.

13:30. Pablo Sanmamed Trío presenta disco “16-04”. aCentral Folque. Con Pablo Sanmamed, contrabaixo, Iago Mouriño, piano, e Bruno Couceiro, batería.

17:30. Cintaadhesiva. Con Jesús Andrés Tejada, música, Silvia Penas Estévez, voz, textos.

18:30. Vudú en concerto: presentación de novo disco. PlayPlan. Con Belém Tajes, teclados, loops, percusión e voz, e Maritxinha, baixo e loops.

19:30. Brais Morán en concerto: presentación de “No mato do desespero”. Con Brais Morán, guitarra e voz, Francisco Sanz Freire, baixo, Marcos Pazo Couto, batería, Manuel José Seoane Méndez, guitarra.

Case cinco décadas de historia, unha referencia dentro e fóra de Galicia e, ademais, desde hai un lustro axitando con novos aires o legado da autora galega por excelencia. A Casa de Rosalía (Padrón) ocupa un lugar privilexiado no mapa cultural do país; alí concéntrase a vixencia da figura e obra de Rosalía de Castro. Con ambición a Casa de Rosalía enfronta presente e futuro, cunha remodelación e adaptación a novas necesidades e un proxecto museográfico que destaca a relación da autora coa contemporaneidade. A Casa de Rosalía do século vinte e un é unha casa aberta e consciente do símbolo vivo que representa.

Na Casa da Matanza, a autora viviu os seus últimos anos e é unha realidade como museo desde 1972 cando se inaugurou con Agustín Sixto Seco como presidente do padroado, Andrés Fernández-Albalat como arquitecto e Xosé Filgueira Valverde como primeiro director. Nas seguintes décadas habilítanse sala de xuntas, almacéns, servizos públicos, auditorio e arquivo. En 1999, o Centro de Estudos Rosalianos. Tamén se adquiren ao longo do tempo outras propiedades, como a vivenda para a encargada da Casa-Museo. Desde 1971 ata o ano do seu pasamento, 1998, a actriz Maruxa Villanueva foi coidadora da Casa de Rosalía na Matanza, ademais dunha excepcional especialista no mundo rosaliano. Emigrante en Arxentina desde os 20 anos, onde foi cantante de éxito e actriz.

A Casa de Rosalía, xestionada pola fundación que preside na actualidade Anxo Angueira, mantén unha actividade constante: abertas as súas portas a cotío, promovendo ou acollendo diversas iniciativas culturais: os premios, como o anual de poesía escolar ou o novo premio de investigación e ensaio Ramón Baltar Feijoo. Mais tamén dá acubillo a iniciativas como o Caldo de Gloria no Día de Rosalía, que busca implicar a todo o país na divulgación da obra de Rosalía; o Festival Abride a Fiestra na propia Casa da Matanza o 15 de xullo; a Inchadiña Branca Vela, unha homenaxe das xentes do mar á escritora; os Encontros na Casa de Rosalía da Universidade de Vigo; alén doutras moitas actividades como concertos, presentacións, conferencias, etc.
O 150 aniversario de Cantares Gallegos, en 2013, supuxo un punto de inflexión para o recinto, con reinauguración incluida, pero ademais coa posta en marcha de novas estratexias que tiñan en conta, nas palabras de Angueira, o simbolismo decisivo da autora. A Casa de Rosalía como un proxecto referencial, espello, foco, pero sen exclusividades: internacional, aberto e difusor. Como di o presidente da Casa de Rosalía -e tamén poeta- “poucos países do mundo teñen como “escritor nacional” a unha muller”.

Visita a súa web: http://rosalia.gal/a-casa-museo/

Xosé Aldea, director da Feira, resaltou o atractivo da proposta de Culturgal 2018 ao redor do libro, coa participación dos grandes nomes da escrita en Galicia. Manolo Rivas (si, o sábado 1 co seu Vivir sen permiso e outras historias de Oeste), Ledicia Costas, Pedro Feijoo, Eli Ríos, María Reimóndez, Xose Duncan, Francisco Castro, Yolanda Castaño, Manuel Esteban ou Iolanda Zúñiga pasarán por Culturgal para presentarlle ao públicos as súas últimas obras. Serán días de lanzamento dos premios do ano: os Xerais con Emma Pedreira, Héctor Cajaraville e Carlos Negro, o Repsol con Antón Lopo e o García Barros con Ana Cabaleiro (publicados ambos por Galaxia), os premios Torrente Ballester e Raiña Lupa promovidos pola Deputación da Coruña, os premios Fina Casalderrey de literatura infantil pola igualdade e Meiga Moira, con Baía Edicións ou o I Premio Maria Victoria Moreno de literatura xuvenil promovido por Urco.

Tamén recalcou a Aldea que a xornada inaugural de Culturgal é un polo de atracción para os profesionais do sector do país. As xornadas profesionais de Escena Galega, a convocatoria de proxectos do Xacobeo 2021, o balance de resultados de Fest Galicia, asembleas de Agapi e Asociación Galega de Profesionais da Xestión Cultural ou a presentación de servizos tecnolóxicos para festivais por parte da empresa Play Plan. A edición 2018 é espello ademais da intensa e interesante produción cultural liderada por mulleres.

Unha xornada, a do venres 30 de novembro, que remata coa preestrea de Sofía e as Postsocráticas, de Inversa Teatro (21:30), unha peza ao redor da filosofía e da violencia machista. Será o primeiro dos catro espectáculos especiais (con prezo de entrada aparte da da Feira) desta 11ª Culturgal. O sábado 1 é a quenda de Carlos Núñez, que pecha a xornada no Auditorio do Pazo da Cultura (21:30) coa súa xira A irmandade das estrelas e o domingo 2 dous espectáculos dirixidos a público familiar e infantil, tamén no Auditorio: ás 12h O VIRAVAI con Paio e o poder da música e ás 18h, Xoán Curiel e A Banda do Verán con A Casa do Terror.

En 2018 por vez primeira Culturgal pon a disposición do público a venda anticipada de entradas en www.cultur.gal así como a posibilidade de achegarse á Feira en autobús desde Ourense, Lugo, Ferrol, A Coruña e Santiago de Compostela. Tamén cambia o concepto gastronómico da Feira, imitando o modelo posto en marcha nos festivais de música, con máis restaurantes e posto que ofrezan unha ampla variedade de opcións durante todo o horario da Feira.

Os patrocinios da Culturgal

Un proxecto coma esta Feira precisa de alianzas, acordos e patrocinios, tal como reseñou Victor López, presidente en funcións da Asociación Culturgal. Na presentación estivo acompañado de Jacobo Sutil, director da Agadic, Carmen Fouces, concelleira de Cultura de Pontevedra, e Xosé Leal, responsable de Cultura na Deputación de Pontevedra. En 2018, a Feira conta coa colaboración especial da Deputación da Coruña e co apoio na programación infantil de Deleite Galego.

A concelleira Carmen Fouces utilizou un símil: a Culturgal como o “black friday” da cultura galega, un espazo que a xente debería aproveitar para facer o seu consumo e os presentes de Nadal. Xosé Leal remarcou as actividades relacionadas con música e arte contemporánea promovidas desde a Deputación de Pontevedra na Feira, con destaque para a presenza do Museo de Pontevedra. “Un dos puntos claves de Culturgal son as sinerxias que se crean entre o sector de base, a administración, os profesionais e empresas, e o publico. Non só se fai negocio, senón país”, apuntou.

O director da Agadic Jacobo Sutil destacou o importante programa de actividades que a Xunta de Galicia desprega en Culturgal, actividades que reflicten e representan as liñas de traballo cultural dos diferentes departamentos e entidades da Administración autonómica. Agadic aumentou en 2018 a súa aportación a Culturgal en dez mil euros. Victor López, presidente de Culturgal, agradeceu ás cinco asociacións que forman parte da Feira o seu papel e a súa aposta polo evento: Escena Galega, AGAPI, Asociación Galega de Editorias, AGEM (Asociación Galega de Empresas Musicais) e EGANET (Asociación de Empresas adicadas á tecnoloxía), da que el mesmo é representante.