A edición 2013 de Culturgal ten un video promo que anima á participación de todos os axentes culturais na Feira, especialmente do público. Con imaxes rexistradas na pasada edición por Nasas Social Media e coa montaxe da produtora Illa Bufarda, o video de trinta segundos mostra a diversidade de actividades e de públicos que interactúan no Culturgal. Así mesmo incide no lema desta edición da corresponsabilidade: “Ti contas no Culturgal”. A música do video ven da man do grupo Camarada Nimoy e o tema A ponte de Tacoma e a voz en off pona a xornalista Mónica Ares. Que vos guste!