Alvarellos Editora
Fundada en 1977, vicedecana das editoras galegas, temos un catálogo vivo de 200 títulos e un histórico de 500. Con coleccións de clásicos (Rescate), álbum ilustrado (Contos Verdemar), ensaio e divulgación (Oeste), creación (Libros do Sarela) ou orixinais facsímiles dos séculos XIX e XX.
- Sector: Editorial
- Web: http://www.alvarellos.info
A cita con culturgal 2023
Culturgal, un evento único que se celebra anualmente reunindo ao sector cultural e aos seus públicos en Pontevedra. Este ano a Feira das Culturas Galegas terá lugar do 1 ao 3 de decembro no Pazo da Cultura, onde os públicos poderán achegarse ás as novidades editoriais, o último en audiovisual, novas propostas das artes escénicas, espectáculos de música ao vivo, servizos profesionais e outras iniciativas híbridas e vinculadas ao mundo da arte. Unha oferta de programación contemporánea e representativa da acción cultural no país con avances, estreas e actualidade, asi como un amplo punto de información e compra da produción cultural do ano.
Culturgal quere favorecer tamén o seu carácter como escenario de encontros entre profesionais e sectores, e de espazo para o nacemento e consolidación de proxectos. A Feira das Culturas Galegas busca reforzar os vínculos coas diferentes asociacións gremiais e promover a comunicación entre todos aqueles axentes e sectores que participan da actividade cultural.